Каля мінскага касцёла святога Язэпа адбудуцца дзве малітоўныя акцыі
Вернікі абяцаюць працягваць змаганне за вяртанне храма, якое доўжыцца ўжо шэсць гадоў.
Дзве малітоўныя акцыі адбудуцца сёння каля мінскага касцёла святога Язэпа. Нагадаем, вернікі патрабуюць, каб ім вярнулі касцёл і кляштарныя будынкі. У храме сёння знаходзіцца Дзяржаўны архіў-музей літаратуры і мастацтва, а апошнія перабудоўваюцца ў гатэльна-забаўляльны комплекс. Спыніць гэтую перабудову ад Міністэрства культуры патрабуюць не толькі вернікі, але і грамадскія арганізацыі.
Як інфармуе Радыё Свабода, сённяшнія малітоўныя акцыі праходзяць з нагоды адзначэння 19 сакавіка каталіцкім касцёлам Дня святога Язэпа — абранніка найсвяцейшай Панны Марыі.
