Ліанэлю Месі пагражае турма за няўплату падаткаў
На знакамітага аргенцінскага футбаліста завялі крымінальную справу ў Іспаніі.
Як паведамляе The Guardian са спасылкай на свае крыніцы, былі таксама іншыя спартсмены, якія мелі праблемы з падаткамі. Аднак Месі стаў адзіным, на каго завялі справу ў судзе. Ён можа трапіць у турму.
З-за гэтага судовага разбіральніцтва аргенцінец хоча пакінуць “Барселону”, за якую гуляе з 2003 году і кантракт з якой быў падоўжаны ў сёлета траўні да 2019 году.
The Guardian не выключае, што пераслед Месі можа быць часткай змовы іспанскага ўраду супраць Каталоніі. Падобныя інцыдэнты з удзелам гульцоў мадрыдскага “Рэала” былі ўрэгуляваныя ў дасудовым парадку і толькі на футбаліста “Барселоны” завялі крымінальную справу.
