Літоўцы перахапілі кантрабанду беларускіх цыгарэт на 5,6 млн еўра

Літоўцы на трасе на захад ад Вільні перахапілі кантрабанду беларускіх цыгарэт на 5,64 млн еўра. Іх везлі на двух грузавіках (адзін кіроўца — беларус, іншы — літовец). 

Паводле дакументаў, у іх быў выключна груз распыляльнікаў, якія чакалі ў Польшчы. Насамрэч, за імі былі схаваныя цыгарэты беларускай вытворчасці. Літоўская Мытная крымінальная служба не выключае, што кантрабанду прывезлі ў Літву з Латвіі. Кіроўцаў арыштавалі.

Летась літоўскія памежнікі заявілі, што аб'ём кантрабандных цыгарэт скараціўся ўдвая. Яны звязвалі гэта з узмацненнем мяжы з Беларуссю — усталяваннем фізічнага бар'ера і сістэм маніторынгу, а таксама закрыццём шэрагу пунктаў пропуску.