Лукашэнка дазволіў замежнікам прыязджаць у Беларусь для прышчэпак ад COVID-19
Вакцынацыя ў Індыі / Reuters
Грамадзянам 73-х краін прапануюць без візы наведаць Беларусь з мэтай вакцынацыі ад COVID-19. Такі ўказ падпісаў 1 ліпеня Аляксандр Лукашэнка.
Вакцынацыя замежнікаў ад каранавіруса будзе магчымая на платнай аснове ў медыцынскіх арганізацыях, якія вызначыць Міністэрства аховы здароўя.
Прышчапіцца ад COVID-19 можна з 15 ліпеня. Замежныя грамадзяне змогуць знаходзіцца ў Беларусі пяць сутак. Каштаваць прышчэпка для іх будзе ў раёне 130-150 рублёў. Прыязджаць для вакцынацыі замежнікі змогуць праз чыгуначныя, транспартныя і авіязносіны.
Важная ўмова — запіс праз электронную чаргу. Дзякуючы ёй, адмоўнага ПЦР-тэсту і наяўнасці дакументаў магчымы прыезд у Беларусь.
Каб атрымаць другі кампанент вакцыны таксама трэба стаць у электронную чаргу. Другую прышчэпку можна ўвесці ад 21 да 90 дзён пасля першай.
У Мінздраве сцвярджаюць, што атрымліваюць безліч паведамленняў ад замежнікаў, якія прагнуць прышчапіцца вакцынай "Спутник V.
