Ля Кабміну ў Кіеве ўзводзяць барыкады
Актывісты апазіцыі пачалі перагароджваць вуліцу Грушэўскага за некалькі дзясяткаў метраў да ўрадавага будынку.
Для ўзвядзення барыкадаў выкарыстоўваюць клумбы і чыгунныя дэкаратыўныя пліты, якімі агароджваюць камлі дрэваў. З Марыінскага парку нясуць лаўкі і бетонныя сметніцы. Увогуле ж мітынгоўцы паводзяцца мірны.
Каардынатары дзеянняў тлумачаць, што асада будзе доўжыцца да той пары, пакуль улад Мікалая Азарава не сыдзе ў адстаўку. Супрацоўнікі міліцыі пакуль не ўмешваюцца ў дзейнасць “будаўнікоў”, перадае УНІАН.
