Магілёўскія даішнікі перапрануліся ў Дзядоў Марозаў і Снягурак

У рамках акцыі “Спыні бяду” некаторыя супрацоўнікі магілёўскага ДАІ выступілі ў ролях Дзеда Мароза і Снягуркі. Спыняючы аўтамабілі, замест дакументаў яны прасілі паспяваць навагоднюю песню. Жартоўна распавядалі пра неабходнасць выканання правілаў дарожнага руху і ўзнагароджвалі кіроўцаў падарункамі.

Ва ўпраўленні магілёўскага ДАІ лічаць, што вясёлае папярэджанне ад Дзеда Мароза будзе больш эфектыўным за рэпрэсіўныя меры.