Мікалай Чаргінец: Людзі Шэймана былі прафесіяналамі ў зборы кампрамату

Адстаўку дзяржсакратара Савета бяспекі Віктара Шэймана пракаментаваў старшыня камісіі па міжнародных справах і нацыянальнай бяспецы Савета Рэспублікі Нацыянальнага сходу Беларусі Мікалай Чаргінец.  Паводле яго словаў, памылкай Шэймана было тое, што "ён не меў вакол сябе прафесіяналаў, а калі і былі прафесіяналы, то ў плане пошуку нейкіх, я б сказаў, кампраметуючых матэрыялаў на людзей. Часам проста ўсё зводзілася да звядзення асабістых рахункаў, а не займаліся па-буйному дзяржаўнымі справамі і не бачылі сваёй ролі ў абавязку дзяржаве забяспечваць бяспеку грамадства".

Ад каментарыю наконт адстаўкі Генадзя Нявыгласа з пасады кіраўніка Адміністрацыі прэзідэнта Мікалай Чаргінец устрымаўся, паведамляе БелаПАН.