"Міжнародная амністыя" назвала новых вязняў сумлення
Імі сталі асуджаныя беларускімі судамі да розных тэрмінаў зняволення Зміцер Дашкевіч, Эдуард Лобаў і Мікіта Ліхавід.
Праваабарончая арганізацыя "Міжнародная амністыя" прыняла адмысловую заяву з гэтай нагоды, у якой, у прыватнасці, гаворыцца: "Гэтыя людзі з'яўляюцца вязнямі сумлення, яны патрапілі ў турму за мірнае выказванне сваіх поглядаў. І яны павінны быць неадкладна і безумоўна вызвалены".
