МТС пераносіць тэрміны ўвядзення адзінага тарыфу на тэлефанаванні
Мабільны аператар спасылаецца на тэхнічныя прычыны. Новыя тэрміны не называюцца.
МТС пераносіць тэрміны ўвядзення адзінага тарыфу на тэлефанаванні ва ўсе сеткі. Новаўвядзенне мусіла пачаць дзейнічаць з 16 ліпеня. Аднак, як інфармуе прэс-служба мабільнага аператара, з "тэхнічных прычын", тэрміны ўвядзення адзінага тарыфу пераносяцца. Калі ж паслуга пачне дзейнічаць, не паведамляецца.
Нагадаем, МТС паведаміў пра свае планы "першым у краіне адмяніць розніцу ў кошце на тэлефанаванні ўнутры сеткі і на нумары іншых аператараў" тыдзень таму. Адзначалася, што адбываецца "адна з самых маштабных зменаў у тарыфікацыі паслугаў мабільнай сувязі ў Беларусі".
Фота: Fotolia
