Некаторыя байцы львоўскага "Беркута" падалі ў адстаўку (відэа)
Паведамляецца, што ў адстаўку выйшлі прынамсі пяць спецназаўцаў.
Як паведамляе zaxid.net, спецназаўцы не вельмі ахвотна кантактуюць з прэсай. На пытанні журналістаў пагадзіўся адказаць толькі адзін чалавек, які назваўся Яраславам. Ён адмовіўся назваць сваё званне. Але актывісты, якія дзяжураць каля вайсковай часці, кажуць, што гэта капітан.
Дарэчы, Львоўская абласная арганізацыя Партыі рэгіёнаў выступіла за адстаўку прэм’ер-міністра Мікалая Азарава, урада і за перавыбары Вярхоўнай Рады і прэзідэнта.
