Новы прэзідэнт Славакіі адмовіўся ад заробку
Новаабраны прэзідэнт Славакіі прадпрымальнік і філантроп Андрэй Кіска адмовіўся ад заробку кіраўніка дзяржавы.
Прычым, як паведамляюць інфармацыйныя агенцтвы, адмовіўся ён на ўвесь пяцігадовы тэрмін сваіх паўнамоцтваў.
Гаворка ідзе пра 6600 еўра штомесяц. Прыкладны ж гадавы даход Андрэя Кіскі ад яго інвестыцый у розныя фонды складае каля 700 тысяч еўра.
30 сакавіка Кіска быў абраны прэзідэнтам Славакіі ў другім туры галасавання. Ён атрымаў амаль 60% галасоў.
Фота — ntv.ru
