Памёр адзін з заснавальнікаў рок-гурта Marilyn Manson
Памёр адзін з заснавальнікаў рок-гурта Marilyn Manson Скот Путэскі. Яму было 49 гадоў. Апошнія чатыры гады ён змагаўся з ракам, праходзіў курс хіміятэрапіі.
Гурт Marilyn Manson быў заснаваны ў 1989 годзе Скотам Путэскі, які выступаў пад псеўданімам Дэйзі Беркавіц, і Браянам Уорнерам, вядомым як Мэрылін Мэнсан. Апошні напісаў на сваёй старонцы ў Instagram, што яны разам са Скотам “пісалі вялікую музыку”. Мэнсан прыгадаў рознагалоссі, якія былі паміж імі (з-за іх Путэскі сышоў з гурта), але паабяцаў “больш памятаць добрыя моманты”.
