Прэс-служба Азарава: Пытанне аб надзвычайным становішчы не ўздымалася
Там не ўдакладняюць, ці атрымалася прэм'еру Украіны Мікалаю Азараву патрапіць на сваё працоўнае месца ў Кабінеце міністраў у панядзелак.
З-за таго, што мітынгоўцы перакрылі ўсе падыходы і пад'езды да будынка ўрада, супрацоўнікам Кабміна Украіны не ўдалося трапіць у панядзелак раніцай на свае працоўныя месцы. Раней лідар парламенцкай фракцыі “Бацькаўшчына” Арсеній Яцанюк заявіў, што прэзідэнт Віктар Януковіч хоча склікаць Савет нацыянальнай бяспекі і абароны Украіны і ўвесці надзвычайнае становішча ў Украіне, інфармуе “Інтэрфакс”.
