Антыкрызісны фонд ЕўрАзЭС: Рост заробкаў “ударыць” па эканоміцы
Штучнае стымуляванне эканомікі ў імкненні дасягнуць 5% роста ВУП цісне на міжнародныя рэзервы, валютны курс і інфляцыю, — кажуць эксперты.
Прадстаўнікі фонда адзначаюць, што ўражаныя вынікамі, якія Беларусь дасягнула за 12 месяцаў стабілізацыі. “Разам з тым, дасягнутая раўнавага з’яўляецца крохкай, і паспяховае завяршэнне стабілізацыі цалкам залежыць ад падтрымання ўладамі Беларусі жорсткай грашова-крэдытнай і бюджэтна-падатковай палітыкі”, — цытуе экспертаў АКФ інфармагенцтва БелаПАН.
Намер беларускіх уладаў з 1 жніўня падняць заробкі ў бюджэтнай сферы, відавочна, разыходзіцца з гэтым экспертным заключэннем. Па-ранейшаму насцярожвае экспертаў і 5%, якія, паводле прагнозаў, мусіць “набраць у вазе” за 2012 год беларускі валавы ўнутраны прадукт. Бяспечны рост, на думку экспертаў АКФ, складае 2-3%.
