Апошні дзень “Вясны” на канфіскаваным офісе (фота+ відэа) Еўрарадыё 24/01/2012 - 20:10 Соцыум Праваабаронцы вымушаныя пакінуць кватэру, якая належала Алесю Бяляцкаму і паводле прысуду адыходзіць дзяржаве. Гэта можа адбыцца з дня на дзень, кажа праваабаронца Наста Лойка:“Яшчэ нас ніхто не высяляе, судовых выканаўцаў няма. Але мы рыхтуемся, што з дня на дзень могуць прыйсці і забраць кватэру. У кожным выпадку мы будзем працягваць сваю дзейнасць, будзем знаходзіцца ў нейкіх іншых месцах, на іншых офісах. І ў бліжэйшы час думаем аднавіць сваё сталае памяшканне. Але сваю дзейнасць будзем працягваць у кожным выпадку, і да нас можна будзе звяртацца”.
