Беларусы ў складзе міжнароднай банды кралі машыны
Супрацоўнікі расійскіх праваахоўных органаў выявілі цэлую банду аўтаўгоншчыкаў, у склад якой уваходзілі расіяне, а таксама жыхары Казахстану і Беларусі.
Следствам даведзены 61 эпізод выкрадання аўтамабіляў міжнароднай злачыннай групоўкай, 24 машыны аператыўнікі канфіскавалі. Усяго ў бандзе выявілі 10 чалавек, шэсць з іх затрыманыя, інфармуе РИА Новости.
У верасні-снежні было знойдзена 27 выкрадзеных аўто ў Маскве і Чэлябінску, была выяўлена схема легалізацыі такіх машын. Злачынцы мелі друкарскае абсталяванне для вырабу фальшывых дакументаў на аўтамабілі.
