Брэсцкая мастачка прыехала на ўласны вернісаж на кані (фота)
Такім незвычайным спосабам Наталля Чарнагаловая прэзэнтавала брэсцкім аматарам жывапісу свае карціны.
Наталля Чорнагаловая — знакамітасць у беларускай школе сучаснага экспрэсіянізму. Для яе работ характэрная грубая выразнасць, скажэнне формы і колеру як праява напружанага пачуцця. Як распавяла сама мастачка, яна апранае пальчаткі і працуе як скульптар, змешваючы на палатне фарбы, стварае выразныя выявы. Вялікае значэнне Наталля Чорнагаловая надае менавіта колеру.
Пасля ўрачыстага адкрыцця выставы мастачка правяла майстар-клас. Усяго за 10 хвілін яна зрабіла партрэт адной са сваіх прыхільніц.
Выстава праходзіць у выставачнай зале па вуліцы Савецкай і працягнецца да 21 жніўня.
