Дыпламаты Еўрасаюза павіншавалі палітвязня Алеся Бяляцкага з юбілеем
Віншаванні ад кіраўнікоў дыпламатычных місій краін Еўрасаюза накіраваныя ў бабруйскую калонію.
Нагадаем, што сёння асуджаны праваабаронца адзначае 50-гадовы юбілей. У віншаванні амбасадары запэўнілі, што ЕС прымае ўсе магчымыя меры, каб забяспечыць яго вызваленне з-пад варты, перадае БелаПАН. Таксама дыпламаты выказалі надзею, што ў бліжэйшай будучыні Бяляцкі зможа атрымліваць асалоду ад свабоды і ўз'яднацца са сваёй сям'ёй.
Фота — svaboda.org
