Еўрапейскі суд па правах чалавека разгледзіць справу Вадзіма Гігіна
Рэдактар часопіса Адміністрацыі прэзідэнта хоча атрымаць права ездзіць у Еўропу.
Еўрапейскі суд па правах чалавека прыняў да разгляду пазоў галоўнага рэдактара часопіса «Беларуская думка» Вадзіма Гігіна, піша агенцтва БелТА. Аб гэтым гаворыцца ў лісце, які быў накіраваны Гігіну сакратарыятам суда.
Пазоў Вадзім Гігін падаў у сувязі з увядзеннем Радай ЕС у студзені 2011 года санкцый супраць тых прадстаўнікоў улады, якіх Еўропа лічыць датычнымі да парушэння правоў чалавека ў Беларусі.
