Фермеры запырскалі Еўрапарламент малаком
Тысячы вытворцаў з Даніі, Францыі, Нямеччыны, Ірландыі, Галандыі, Польшчы ды Іспаніі прыехалі на трактарах у Брусэль.
Як перадае ВВС, фермеры дамагаюцца павышэння коштаў на малочныя прадукты на 25%, каб пакрыць выдаткі на вытворчасць.
Даволі часта малако, вырабленае ў ЕС, прадаюць па заніжаных цэнах з-за спаду сусветнага попыту і ўзмацнення канкурэнцыі.
У Бельгіі, напрыклад, гуртовая цана на літр малака складае 26 еўрацэнтаў, але кошт яго вытворчасці складае 40 еўрацэнтаў.
Еўрасаюз — найбуйнейшы вытворца малака ў свеце, а 2 гады таму амаль палова еўрабюджэту пайшла на дапамогу фермерам.
Фота — ctv.by
