Гродзенскаму праваабаронцу прынеслі позву на дактыласкапію
"Кур’ерам" выступіў афіцэр аддзела наркакантролю. Ён не змог патлумачыць атрымальніку позвы Раману Юргелю, чаму наркакантроль прыцягнуты да дадзенай місіі.
Юргель патлумачыў уручальніку позвы, што добраахвотна адмаўляецца здаваць адбіткі пальцаў. На што прадстаўнік наркакантролю заўважыў, што ў такім выпадку форма "запрашэння" будзе больш строгай.
Праваабаронца звязвае такую дактыласкапічную актыўнасць са сваёй палітычнай дзейнасцю. У часе мінулых прэзідэнцкіх выбараў Юргель працаваў назіральнікам ад Беларускага хельсінкскага камітэта, перадае Радыё "Свабода".
