Human Rights Watch: Мінск працягвае рэпрэсіі
Аўтарытэтная міжнародная праваабарончая арганізацыя прыняла новую заяву па сітуацыі з правамі чалавека ў Беларусі.
"Улады Беларусі мусяць неадкладна спыніць усе пераследванні абаронцаў правоў чалавека і забяспечыць ім свабоду дзеянняў. Замест таго, каб пераследваць іншадумцаў, урад мусіць ствараць атмасферу, у якой грамадзянская супольнасць можа свабодна функцыянаваць", — адзначаецца ў апублікаванай 18 сакавіка заяве дырэктара праграмы Human Rights Watch па пытаннях Еўропы і Сярэдняй Азіі Рэйчал Дэнбер.
Яна мяркуе, што дэпартацыя з Беларусі расійскага праваабаронцы Андрэя Юрава з'яўляецца часткай "рэпрэсій ураду, якія ажыццяўляюцца ў перыяд пасля прэзідэнцкіх выбараў", паведамляе РАР.
