Кіраўнік МЗС Польшчы: У Беларусі парушаюцца элементарныя правы чалавека
Польшча акажа ўсебаковую падтрымку Беларусі, калі яна пойдзе шляхам рэформ і перамен.
Пра гэта заявіў міністр замежных спраў Польшчы Радаслаў Сікорскі, прадстаўляючы ў Сойме асновы польскай вонкавай палітыкі на 2011 год, перадае Прайм-ТАСС.
Міністр нагадаў пра "палітыку абумоўленасці", якая была прынятая ў адносінах да Беларусі пасля прэзідэнцкіх выбараў. "Польшча можа аказаць усебаковую падтрымку Беларусі, калі яна пойдзе дарогай перамен", — сказаў ён, адзначыўшы, што цяпер рэспубліка "з гэтай дарогі збочыла, парушаючы пры гэтым элементарныя правы чалавека".
