Міхаіл Мясніковіч сёння сустрэўся са старшынёй “Газпрама” Аляксеем Мілерам
Яны працягнулі перамовы аб цэнах на газ для Беларусі на 2012 год і тарыфы на транспарціроўку газа па беларускай тэрыторыі.
У час сустрэчы прэм’ер-міністр Беларусі і старшыня расійскага газавага гіганта таксама закранулі некаторыя аспекты цэнаўтварэння на газ для Беларусі з 2015 года. Тады Расія плануе выйсці на роўны кошт для ўнутраных і знешніх спажыўцоў.
Асобна было абмеркавана міжурадавае пагадненне аб умовах куплі-продажу акцый “Белтрансгаза”, паведамляе БелТА. Нагадаем, што згодна з дасягнутымі ў ліпені дамоўленасцямі, вырашэнне пытанняў паставак і транзіту расійскага газу ўвязваецца з набыццём “Газпрамам” 50 працэнтаў акцый беларускага прадпрыемства.
