Немцы знайшлі пазітыў у заяве Лукашэнкі: Ён прызнаў сябе дыктатарам
Прадстаўнікі ўраду Нямеччыны сёння пракаментавалі ўчорашнія скандальныя выказванні кіраўніка Беларусі.
Нагадаем, галоўны іх пасыл быў наступны: "Лепш быць дыктатарам, чым блакітным". Гэтыя словы Лукашэнка сказаў на адрас міністра замежных спраў Нямеччыны Гіда Вестэрвэле.
"Гэтая заява цікавая толькі ў тым сэнсе, што Лукашэнка прызнаў сябе дыктатарам, пра што нямецкі ўрад гаварыў ужо даўно", — сказаў на брыфінгу ў Берліне прэс-сакратар нямецкага ўраду Штэфан Зайберт.
Прэс-сакратар МЗС Нямеччыны Андрэас Пешке заявіў, што каментары Лукашэнкі, "на жаль, гавораць самі за сябе", паведамляе "Хартыя-97".
Як паведамляе тэлеканал "Белсат", словы Лукашэнкі пракаментаваў і сам міністр замежных справаў Нямеччыны Гіда Вэстэрвэле: "Гэтыя словы кажуць самі за сябе. Аднак нават пасля іх я не адступлюся ад свайго ўдзелу ў барацьбе за чалавечыя і грамадзянскія правы ў Беларусі".
