Палата прадстаўнікоў прыняла папраўкі "аб масавым бяздзеянні"

Пра гэта Еўрарадыё паведамілі ў прэс-службе Палаты прадстаўнікоў. Цяпер папраўкі ў закон мусіць разгледзець яшчэ Савет Рэспублікі.

Нагадаем, што папраўкі былі распрацаваныя пасля поспеху масавых "маўклівых акцый". Цяпер пад забарону трапіць не толькі масавае дзеянне, але і "масавае бяздзеянне".

Праект зменаў у закон "Аб масавых мерапрыемствах" падрыхтаваны Саветам Міністраў. Згодна з ім, дазвол патрабуецца не толькі на масавыя дзеянні, але і на бяздзеянне. Такім чынам, дазвол уладаў трэба будзе прасіць на тое, каб у кампаніі сяброў у грамадскім месцы памаўчаць ці папляскаць у ладкі. 

Фота: belorysochka.ru