Паняцце "праваабаронца" павінна атрымаць юрыдычны статус
З такой прапановай актывіст Руху "За Свабоду" Іван Крук звярнуўся ў сталую камісію Палаты прадстаўнікоў па правах чалавека і СМІ.
На яго думку, гэтую ініцыятыву варта ўключыць у праект закона "Аб зваротах грамадзян і юрыдычных асоб". Заканадаўчае замацаванне паняцця "праваабаронца" дасць магчымасць больш эфектыўна абараняць правы і свабоды грамадзян, замацаваныя ў Канстытуцыі.
Актывіст у сваім звароце адзначае, што няўрадавыя арганізацыі набываюць важнае значэнне для наладжвання дыялогу грамадзян з дзеючай уладай, перадае Pyx.by.
