Партыі БНФ дазволілі правесці з’езд у ДК МТЗ
Пісьмовы дазвол Мінгарвыканкаму на гэтае мерапрыемства партыя атрымала 31 жніўня.
Паводле старшыні партыі БНФ Аляксея Янукевіча, чарговы з’езд пачне сваю працу 10 верасня і пры неабходнасці можа працягнуцца і на наступны дзень. Плануецца, што на яго збяруцца прыкладна 230 дэлегатаў з усіх абласцей краіны і з Мінску.
Асноўныя пытанні з’езду: абранне новага кіраўніцтва партыі, унясенне зменаў у статут, а таксама стратэгія дзейнасці арганізацыі на бліжэйшыя два гады, паведамляе БелаПАН.
У прыватнасці, змены ў статуце могуць абмежаваць старшынства ў партыі БНФ двума тэрмінамі. Апроч таго, плануецца павялічыць тэрмін старшынства з двух да трох год.
