Праваабаронца заклікаў адвакатаў правесці страйк
Волчак: "Наш цэнтр будзе звяртацца да краін Еўрапейскага саюза, каб уключылі ўвесь склад рэспубліканскага прэзідыума калегіі адвакатаў у спіс неўяздных у ЕС".
Праваабаронца і кіраўнік цэнтра "Прававая дапамога насельніцтву" (Кіеў, Украіна) Алег Волчак заклікае адвакатаў правесці страйк – у адваротным выпадку незалежная адвакатура ў Беларусі будзе знішчана ўшчэнт.
"Мы заклікаем адвакатаў выявіць салідарнасць і звярнуцца да міністра юстыцыі, каб ён спыніў ціск на адвакацкую супольнасць. Было б добра, калі б цяпер усе адвакаты па ўсёй Беларусі правялі страйк, не выйшлі б на працу. Я думаю, што ўлады прыслухаліся б да праблем адвакатаў. Інакш рэпрэсіўная машына не спыніцца і будзе далей выключаць адвакатаў з калегіі. Можна смела заявіць, што ў краіне адсутнічае незалежная адвакатура", - заявіў Алег Волчак, паведамляе "Беларускі партызан".
