Сяргей Мацкевіч пераабраны кіраўніком Асамблеі НДА
Такое рашэнне прыняў кангрэс Асамблеі, які праходзіць у Мінску 16-17 чэрвеня.
Яго намеснікамі абраныя кіраўнік “Беларускай асацыяцыі журналістаў” Жанна Літвіна, старшыня “Беларускага Хельсінкскага камітэту” Алег Гулак, культуролаг Вацлаў Арэшка, грамадскія актывісты з рэгіёнаў Віталь Васількоў і Ілля Заранок, а таксама віцэ-прэзідэнт Міжнароднай федэрацыі правоў чалавека, лідар незарэгістраванага праваабарончага цэнтру “Вясна” Алесь Бяляцкі, які цяпер адбывае зняволенне ў бабруйскай калоніі №2.
Усяго ў Рабочую групу Асамблеі абрана 44 чалавекі. На пасадзе кіраўніка выканаўчага бюро Асамблеі НДА застаўся Сяргей Лісічонак, паведамляе БелаПАН.
