У Брэсце дзяржаўтаінспекцыя затрымала гарадскі аўтобус (фота)

Здарэнне з аўтобусам №6 адбылося на вуліцы Маскоўскай каля электрамеханічнага завода. Кіроўца патлумачыў, што ён мусіў зрабіць рэзкі манёўр, бо яго “падрэзаў” невядомы аўтамабіль. Упала жанчына, якая ішла да вадзіцеля, каб купіць талон і не трымалася на парэнчы. Ліхач з’ехаў, а жанчыну адвязлі ў бальніцу.

Афіцэр ДАІ пацвердзіў, што пацярпела жанчына. Аўтобус затрымалі да заканчэння разбіральніцтва, а пасажыры пераселі на іншы транспарт.