У дзяржаўных ВНУ зноў істотна падвысяць плату за навучанне
Мінадукацыі прагназуе, што ў новым навучальным годзе навучанне будзе каштаваць у сярэднім на 20% болей.
Цяпер ідзе аналіз прагнозу коштаў платнага навучання ў ВНУ, якія падпарадкоўваюцца Мінадукацыі. Узровень цаны ў канкрэтнай навучальнай установе залежыць ад структуры выдаткаў, якая фактычна склалася, патлумачыў міністр адукацыі Сяргей Маскевіч. У структуру выдаткаў уваходзіць ступень прэстыжнасці спецыяльнасці, стаж працы прафесарска-педагагічнага складу, стан матэрыяльна-тэхнічнай базы ды іншага, паведамляе Хартыя-97.
Адначасова варта адзначыць, што прыватныя ўстановы адукацыі фармуюць кошт на платнае навучанне самастойна.
