У Гомелі прайшла сустрэча памяці, прысвечаная паэтэсе Таццяне Сапач
Сустрэчу памяці 19 лютага правяла бард Вольга Цярэшчанка ў гомельскай беларуска-славянскай гімназіі № 36 імя Івана Мележа.
Сустрэчу, прысвечаную загінулай беларускай паэтэсе і журналістцы Таццяне Сапач, наведалі вучні дзявятых і адзінаццатых класаў гімназіі, педагогі і сябры Сапач. Таксама на мерапрыемства былі запрошаны члены гомельскай краязнаўчай маладзёжнай арганізацыі "Талака". У канцы 1980-х Сапач жыла ў Гомелі і была адным з заснавальнікаў арганізацыі.
Цярэшчанка расказала гімназістам аб творчасці сяброўкі, як журналісцкай дзейнасці, аб тым, што кватэра Таццяны Сапач і яе мужа Сяргея Дубаўца была для многіх гамяльчан цэнтрам зносінаў і прыстанішчам у цяжкія хвіліны. Вучні прачыталі вершы паэтэсы, паведамляе БелаПАН.
