У Гродне 24-25 чэрвеня пройдзе міжнародны фестываль джазу
Свята ўсіх прыхільнікаў гэтага музычнага кірунку пад назвай “Гродна-джаз 2011” адбудзецца ў двары Новага замка.
Джазмэны прадставяць публіцы традыцыйны джаз і яго сучасныя плыні: фанк, свінг, фьюжн, авангард ды іншыя. Фестываль адкрые юбілейны канцэрт аркестра Гродзенскай абласной філармоніі пад кіраўніцтвам Барыса Мягкова і з удзелам вядомых беларускіх выканаўцаў — Валерыя Дайнэка, Аляксандра Кацікава, Валерыя Скаражонка, Дзмітрыя Крэндзеля ды іншых.
У другі музычны вечар выступяць беларускія і польскія джазмэны. У праграме — майстар-класы па танцах свінг, хастл, сальса, а таксама бодзі-арт, перадае БЕЛТА.
