У Гродне з’явіцца скульптура аленя святога Губерта
А таксама знак у гонар Магдэбургскага права, бюст Максіма Багдановіча і помнік Антонію Тызенгаўзу.
Акрамя гэтага, межы старога горада хочуць пазначыць архітэктурнымі знакамі, паведамляе "Вячэрні Гродна" са спасылкай на начальніка Упраўлення культуры Гродзенскага аблвыканкама Аляксандра Вярсоцкага. Не выключана, што ў бліжэйшы час правядуць конкурс на праекты скульптур.
Нагадаем, што алень святога Губерта з’яўляецца адным з сімвалаў горада над Нёманам. Менавіта яго выява размяшчаецца на гербе Гродна.
