У ноч на 17 чэрвеня на Зямлі была магнітная бура
Яе справакавалі два магутныя выкіды плазмы, якія адбыліся на Сонцы 13 і 14 чэрвеня.
Пра гэта паведамляюць інфармагенцтвы са спасылкай на цэнтр прагнозу касмічнага надвор’я Нацыянальнага ўпраўлення акіянічных і атмасферных даследаванняў ЗША. Апроч таго, спадарожнікі зафіксавалі ўзрастанне плыні пратонаў каля нашай планеты, аднак яна не павялічылася да небяспечнага для касмічных апаратаў узроўню.
Магнітныя буры часам прыводзяць да збояў у працы электраабсталявання, перабояў з радыёсувяззю і на электрычных сетках. Таксама геамагнітныя ўзрушэнні ўплываюць на жыццядзейнасць і здароўе людзей. Часта ў дні такіх бур адбываецца вялікая колькасць дарожных здарэнняў.
