Вайцюшкевіч выступіў у Пецярбургу на “паўстанцкай імпрэзе” (фота, відэа)
1 лютага ў пецярбургскім арт-клубе "Кіпень" мясцовыя беларусы правялі канцэрт Зміцера Вайцюшкевіча і адзначылі 150-годдзе паўстання Кастуся Каліноўскага.
Паслухаць Зміцера Вайцюшкевіча прыйшло больш 50 чалавек. Музыка выканаў песні на вершы Уладзіміра Маякоўскага, Уладзіміра Караткевіча, Уладзіміра Некляева, Рыгора Барадуліна і іншых паэтаў.
Акрамя таго ўдзельнікі імпрэзы змаглі праслухаць даклад пра паўстанне 1863-1864 гадоў пад кіраўніцтвам Кастуся Каліноўскага, паведамляе інтэрнэт-старонка беларусаў Санкт-Пецярбурга.
