Вікторыя Азаранка выйшла ў паўфінал турніра ў Аўстрыі
Першая ракетка свету працягвае пераможную серыю. На гэты раз яна выйграла ў харваткі Петры Марціч (64-я пазіцыя ў рэйтынгу) — 6:2, 6:2.
У суботу ў паўфінальным матчы Азаранка гуляе з пераможцай паядынка паміж румынкай Ірынай-Камеліяй Бегу і амерыканкай Бетані Матэк-Сандс.
Нагадаем, што ўдзел у невялікім тэнісным турніры ў Лінцы Вікторыя Азаранка разглядае, як падрыхтоўку да выніковага турніра WTA ў Стамбуле.
