З Новым 2011 годам!
Дарагія сябры! Еўрапейскае радыё для Беларусі сардэчна віншуе вас з Новым годам! Няхай год Ката будзе белым, пухнатым, лагодным і не выпускае кіпцюры.
Мы шчыра дзякуем вам за тое, што ўвесь мінулы год вы былі разам з намі — слухалі наш эфір, сачылі за навінамі на нашым сайце. Мы заўсёды адчувалі вашу падтрымку, былі ўдзячныя за любую зваротную сувязь. Дзякуючы вашай увазе і пільнасці мы раслі і развіваліся, а гэта для нас вельмі важна. Гэта быў няпросты год, які шмат чаму нас навучыў.
У 2011 годзе мы таксама будзем працаваць для вас і нягледзячы ні на што будзем здабываць для вас самыя свежыя навіны, будзем радаваць вас найсучаснейшай і найлепшай музыкай, а таксама цікавымі праграмамі. Заставайцеся з намі!
