"Россельгаснагляд" зноў знайшоў парушэнні ў беларускіх малакапрадуктах

"Россельгаснагляд" прыняў рашэнне ўзмацніць кантроль за прадукцыяй 10 беларускіх прадпрыемстваў.
Як адзначае БелаПАН, гэта звязана з выяўленнем пры маніторынгавых даследаваннях у жывёлагадоўчай прадукцыі забароненых і шкодных рэчываў. У прыватнасці, у сырах ААТ "Савушкаў прадукт" выяўлены даксіцыклін, у пастэрызаваным малацэ ААТ "Малочныя прадукты" — залацісты стафілакок.

Сярод прадпрыемстваў, чыя прадукцыя патрапіла пад узмоцнены кантроль "Россельгаснагляду", таксама апынуліся ААТ "Барысаўскі малочны камбінат", СТАА "Вітконпрадукт", ААТ "Малако", СП ТАА "Еўратрэйдбрэст", Старадарожскі вытворчы ўчастак ААТ "Слуцкі сыраробны камбінат", ААТ "Маладзечанскі малочны камбінат", Талачынскі філіял ААТ "Лепельскі малочна-кансервавы камбінат", МОП ТУП "Стаўбцоўскі мясакамбінат".