Сабаленка знялася з Уімблдона: "Я зрабіла ўсё магчымае"
Арына Сабаленка / twitter.com/MutuaMadridOpen
Арына Сабаленка знялася з Уімблдона. Беларуская тэнісістка спасылаецца на траўму правага пляча.
Трэцяя ракетка свету збіралася ў панядзелак правесці свой першы паядынак. Аднак выступіла з заявай: "Я зрабіла ўсё магчымае, каб падрыхтавацца да Уімблдона, але, на жаль, маё плячо не паддаецца".
Тэнісістка ўжо расказвала, што ў яе "спецыфічая траўма" — яна пашкодзіла вялікую круглую мышцу. Яна можа трэніравацца, але мае праблему з падачай.
Раней Сабаленка заявіла, што не будзе выступаць на Алімпіядзе ў Парыжы. У чэрвені праз праблемы са здароўем яна знялася з турніру ў Берліне.
"Heartbroken to have to tell you all that I won't be able to play the Championships this year. This tournament means so much to me and I promise I'll be back stronger than ever next year."@SabalenkaA | #Wimbledon
— wta (@WTA) July 1, 2024
