Запыты школьніцы ў інтэрнэце: ад "як стаць феяй" да "як павялічыць грудзі"
Кампанія "Яндэкс" прааналізавала пошукавыя запыты дзяцей і высветліла самыя папулярныя з іх, а таксама дынаміку дзіцячых інтарэсаў.
Фармулёўкі змяняюцца з узростам. У першым класе дзеці пытаюць "як рабіць дом з запалак", у чацвёртым — "як знайсці плошчу трохкутніка", у сёмым — "як прызнацца дзяўчынцы ў каханні, калі ты ідзеш за ёй пасля школы", а ў адзінаццатым — "куды пайсці вучыцца пасля 11 класа".
Цікавая эвалюцыя запытаў дзяўчынак. У другім класе дзяўчынак цікавіць "як намаляваць ружу", у чацвёртым — "як стаць феяй", у шостым — "як выдаліць старонку ў аднакласніках", у сёмым — "як стаць прыгожай", у дзевятым — "што такое каханне" і ў адзінаццатым — "як павялічыць грудзі".
Самае папулярнае слова ў дзіцячых запытах — "як". Пераважна яно з'яўляецца ў запытах "як скачаць" і "як зрабіць". Для параўнання, у дарослых самае распаўсюджанае слова "колькі", паведамляе РІА "Новости".
Фота — bymedia.net
