Санслужба Мінска прыпыніла працу харчовага рынку "Ждановічы"
Санітарна-эпідэміялагічная служба Мінска прыпыніла працу некаторых аб'ектаў на тэрыторыі гандлёвага цэнтра "Ждановічы". Як інфармуе БЕЛТА, санстанцыя ацаніла стан тэрыторыі "Ждановічаў" пасля месячніка па ўборцы і добраўпарадкаванні.
Былі выяўленыя парушэнні санітарных нормаў і правілаў у найбуйнешым рынку сталіцы. Таму з 20 красавіка да ліквідацыі парушэнняў прыпыненая дзейнасць гандлёвага гарадка "Лебядзіны", "Харчовага цэнтра", а таксама рэчавага рынку па гандлі ўжыванымі таварамі "Поле цудаў".
