Сайт незалежнага гомельскага выдання “Сильные новости” зноў працуе
Сайт незалежнага гомельскага выдання “Сильные новости” — gomel.today зноў працуе. Заснавальнік і дырэктар рэгіянальнага партала Пётр Кузняцоў паведаміў, што тэхнічныя праблемы, якія ўзніклі 15 ліпеня, нарэшце ўдалося вырашыць. Тады хтосьці пракраўся ў праграмны код і пакінуў там шмат памылак, якія нашкодзілі працы сайта.
“Там пакуль, вядома, амаль няма актуальных навін — увесь час прастою доступу да адмінку не было і ў рэдакцыі”, — напісаў ён у Facebook.
9 і 13 ліпеня ў супрацоўнікаў gomel.today прайшлі ператрусы. А днямі стала вядома, што Гомельскі гарвыканкам даслаў пастанову аб ліквідацыі юрыдычнай асобы, якой належаць праекты Пятра Кузняцова.
