Статкевіч прачытаў сваю крымінальную справу
24 сакавіка экс-кандыдат Мікалай Статкевіч скончыў чытанне матэрыялаў сваёй крымінальнай справы, у якой ён фігуруе як арганізатар "масавых беспрадкаў".
Аб гэтым адвакат Тацяна Станкевіч паведаміла грамадзянскай жонцы Мікалая Марыне Адамовіч.
Азнаямленне са справай доўжылася тры дні. Марына пасля размовы з адвакатам лічыць, што судовы працэс з удзелам Мікалая Статкевіча можа пачацца ўжо ў другой палове красавіка, перадае Радыё "Свабода".
