Сусветны бізнэс заклікалі падтрымаць беларускія незалежныя СМІ
У Гродне судзяць журналіста і палітвязня Анджэя Пачобута / БЕЛТА
Сусветны бізнэс заклікалі падтрымаць беларускія незалежныя СМІ. Гэтай тэме прысвечана калонка Святланы Ціханоўскай у выданні Politico.
Ціханоўская нагадала сумную статыстыку рэпрэсій супраць незалежных СМІ ў Беларусі: 33 работнікі СМІ знаходзяцца за кратамі, праходзяць суды, больш за 400 журналістаў з'ехалі за мяжу.
"Адзін са спосабаў, як астатні свет можа дапамагчы цяпер, — гэта падтрымаць выгнаныя беларускія СМІ, — піша лідарка дэмсіл. — На гэтым тыдні я сустракаюся з лідарамі сусветнага бізнэсу ў Давосе і заклікаю іх падтрымаць незалежныя беларускія газеты, лічбавыя выданні, радыёстанцыі і тэлеканалы даходамі ад рэкламы і падпіскі. Незалежныя СМІ — крыніца жыццёвай сілы дэмакратыі, і вельмі важна, каб грамадзяне Беларусі мелі доступ да фактаў. Альтэрнатыва ім — шматгадзінная лукашэнкаўская прапаганда".
I am meeting global business leaders at @wef this week & urging them to support independent Belarus media. It is crucial that our citizens have access to the facts. Free media is the lifeblood of democracy & the only alternative to state propaganda. #WEF23https://t.co/wcL3KWsiy0
— Sviatlana Tsikhanouskaya (@Tsihanouskaya) January 17, 2023
