Сяменчанка: Пад Ілавайскам загінулі больш за 1000 ўкраінскіх байцоў (відэа)
Пра гэта камандзір спецбатальёна "Данбас" Нацгвардыі заявіў сёння ў Днепрапятроўску.
Раней украінскія сілавікі называлі розныя лічбы — ад адной да некалькі соцень загінулых. Аднак Сямён Сяменчанка лічыць, што яны заніжаныя, бо насамрэч загінулі "больш тысячы чалавек".
Паводле яго слоў, "Данбас" згубіў 45 байцоў, 128 былі параненыя, 15 чалавек лічацца зніклымі без вестак, 120 трапілі ў палон, інфармуе radiosvoboda.org.
На здымку: Сямён Сяменчанка выпрабоўвае зброю падчас нядаўняй паездкі па ЗША. Фота — Facebook
