Сярэдзіч абяцае пацягнуць Кастусёва ў суд за паклёп
Галоўны рэдактар газеты “Народная воля” Язэп Сярэдзіч адмаўляе, што патрабаваў у экс-кандыдата ў прэзідэнты ад Партыі БНФ Рыгора Кастусёва грошы за артыкулы і мае намер падаць на яго ў суд за паклёп.
Сярэдзіч цвердзіць, што ні пра якія грошы ён не размаўляў ні з Кастусёвым, ні з іншымі кандыдатамі ў прэзідэнты. Рэдактар абяцае пацягнуць палітыка ў суд бліжэйшым часам.
Нагадаем, што 6 сакавіка на з’ездзе Гомельскай абласной арганізацыі Партыі БНФ Кастусёў заявіў, што “Народная воля” ў перыяд выбарчай кампаніі публікавала на яго “пасквілі” і прапанавала за грошы друкаваць заказныя артыкулы, паведамляе БелаПАН.
