Сярод расійскіх вайскоўцаў у Беларусі адбыўся усплёск захворванняў
Расійскія вайскоўцы ў Беларусі / Скрыншот з відэа
Сярод расійскіх вайскоўцаў у Беларусі, а гэта пераважна нядаўна мабілізаваныя, адбыўся усплёск захворванняў. Пра гэта заявіла Галоўнае ўпраўленне разведкі Мінабароны Украіны, якое спасылаецца на свае даныя. Жывуць расіяне ў асноўным у намётах, без належных санітарных умоваў, ім бракуе якаснага харчавання і медабслугоўвання. У іх пашырыліся захворванні дыхальных шляхоў (бранхіт, ангіна, пнеўманія, абвастрэнне астмы), а таксама інфекцыі страўнікава-кішачнага тракту.
Украінская разведка сцвярджае, што на дапамогу беларускім медыкам прысылаюць лекараў з РФ. У прыватнасці, чакаецца іх прыбыццё на палігон пад Баранавічы.
