Сёння Андрэю Саннікаву выставілі абвінавачванне
Экс-кандыдата ў прэзідэнты Беларусі абвінавачваюць у арганізацыі масавых беспарадкаў. Пра гэта паведаміла ўпраўленне інфармацыі і грамадскіх сувязяў МУС.
Палітык, які ўтрымліваецца пад вартай у следчым ізалятары КДБ, абвінавачваецца ў арганізацыі масавых беспарадкаў, што суправаджаюцца гвалтам над асобай, пагромамі, знішчэннем маёмасці, і ўзброеным супраціве прадстаўнікам улады (ч. 1 арт. 293 КК).
Следства ў адносінах да Андрэя Саннікава рухаецца да завяршэння. Яму дадуць права азнаёміцца з матэрыяламі расследавання, пасля справу накіруюць у пракуратуру Мінска для вывучэння і вызначэння падсуднасці.
